Halvgrovt lavkarbobrød

Eksperimenterer stadig med brødoppskrifter

for å finne det perfekte brød. 

Dette trur eg er det næraste eg har vore - så langt. 

Oppskrifta under er til eit lite brød

 (22 cm/1,3 liter brødform)

Du treng..

50 gram smelta kokosolje/meierismør (gjerne begge deler)

9 egg 

1 dl mandelmjøl (ikkje fettredusert!)

1 dl sesammjøl

0,5 dl kokosmjøl 

2 ss fiberhusk

1 ss bakepulver
litt salt

100 gram valnøtter

0,5 dl linfrø

0,5 dl solsikkekjerner

(blautlegg nøtter og frø/kjerner over natta for å fjerne fytinsyre. Kvifor? Les her.) 

Slik gjer du..

Visp egga godt og ha i smelta (men avkjølt)

olje/smør før du vispar vidare. 

Bland alt det tørre og visp det godt inn. 

Hell av vatnet og knus nøtte-frø-kjerneblandinga

 med stavmikser/kjøkkenmaskin og bland det inn. 

Ha røra i ei brødform og la det svelle i 15 minutt.

Steikast i 50-60 minutt på 175 grader, 

til brødet er gyllent. 

Den Flade Maves Grød

Om grauten gir flat mage kan vel diskuterast, 

men den er blitt en favoritt til frokost (og lunsj, og kvelds..). 

Prøvar å begrense oss til ein gong om dagen. ;)

Den er ikkje lavkarbo, men den er snill mot blodsukkeret 

og stappfull av næring som gjer godt for kroppen. 

Det synes eg er viktigare enn antall karbohydratar.

Oppskrifta kan du finne hos sprudlande sunne Linn. :)

Eg likar min best med meierismør, litt sukrin, 

kardemomme, kanel (ceylon) og vaniljepulver. 

mmmMmm! Gler meg allerede til neste porsjon. ;)

Lavkarbobrød

Dette brødet blir forskjellig kvar gong eg lagar det.

Tar det eg har i skapet av "mjøl" 

og varierer blandingsforholdet. 

I dag blanda eg mandelmjøl og sesammjøl, 

og det vart veldig godt!

Grunnoppskrifta er slik;

12 egg

2,5 dl "mjøl" (mandelmjøl/kokosmjøl/sesammjøl)

50 gram smelta kokosolje (meierismør kan brukast òg)

En halv boks (1 dl) kokosfløyte (Go Tan eller Santa Maria)

3 ss fiberhusk 

1 ss bakepulver

litt salt 

Visp egga godt.

Smelt kokosoljen, kjøl den ned litt, og ha den i egga.

Ha i en boks med kokosfløyte og pisk vidare. 

Bland det tørre og ha det i eggeblandinga. Rør godt. 

Ha røra i ei lita brødform (eg brukar ei som er 25 cm/1,3 liter).

Sett ovnen på 175 grader. 

La brødet stå 15 minutt og svelle. 

Steik brødet i 45-50 minutt til det er gyllent. 

Enjoy ♥

Adventskos ♥ Bounty

Bounty-hjerter a la Fotballfrue. 

Nydelige på smak og enkle å få til. 

Og så er dei ikkje så aller verst innholdsmessig heller. ;)

Kylling i peanøttsaus

En skikkelig deilig lørdagsmiddag, 

men den kan fint etast søndag òg altså. ;)

Oppskrifta fann vi hos fine 56kilo.se 

og den er så god at den blir laga nesten kvar veke! NAM :)

En god hjelper i hus

Deilig å endelig ha denne lille fine hjelperen godt plassert på kjøkkenbenken. Blir veldig fint å sleppe å bruke handmikseren til årets julebakst. Litt redd for at det blir baka meir enn mannen vil tillate framover.. ;)

Til helga er det vel lov å begynne litt forsiktig? :)

Tar gjerne i mot tips til oppskrifter på vellykka

glutenfri, sukkerfri og karbohydratredusert julebakst!

Moussaka

Fredag er fortsatt favorittkvelden, 

sjølv om alle dagar føles like i permisjonsverden. 

God mat og gullrekka på skjermen slår ikkje feil. 

I går eksperimenterte vi litt igjen og laga moussaka etter denne oppskrifta. Digg digg digg. :)

Snickerskladdkaka

Her på vestlandet ular stormen rundt hushjørna og det er best å holde seg inne i varmen. Litt sjokoladekake og en kaffikopp foran peisen kanskje? :)

(Oppskrift her)

Vi er i skrivande stund på veg til nabobygda og må køyre lang omveg pga steinras og stengte vegar. Vi skal nemlig på konsert med Kringkastingsorkesteret, Eva & The Heartmaker, Tone Damli ++ i ettermiddag. Forhåpentligvis høstens musikalske høgdepunkt. :)

Hadde det ikkje vore for konserten ville vi nok holdt oss heime i stormen vi òg. :) Josefine skal vere hos farmor - uten mamma & pappa for første gang - vi kryssar fingrane for at det går fint. Verst for mamma'n trur eg...men to timar bør gå bra. ;) God helg til deg ❤️

Middagstips: Chili con carne

I periodar synes eg det er vanskelig å finne inspirasjon til middagslaging. Eg trur det er fleire av oss der ute, så her kjem derfor torsdagens middagstips til deg. 

 

I går prøvde vi oss på ei ny oppskrift på nydelig Chili con carne. :) Den blir garantert laga igjen, nam!

Novembermorgen

I går kveld hadde vi besøk av to fine frøkener og serverte haugevis av vafler (Cecilie sine gode rømmevafler) med "ny"rørt jordbærsyltetøy, seterrømme og en varm kopp te.



Det nest beste er vaffelrestane som vart igjen. ;) Deilig med litt dessert til frokostkaffien i dag, mens lille J tar dagens første dupp. Tente lys og fyr i peisen er heilt på sin plass en våt og kald novembermorgen.  I dag er planen babykino og "Jul i Flåklypa". Kanskje julestemninga kjem snikande? :)

Hei igjen!

Det er over et år sidan blogglysta var der sist, og sidan det har det skjedd mykje.. :)

I sommar flytta vi heim til fjord og fjell for å komme nærmare familie og venner, før lille Josefine kom til verden en varm dag i slutten av juli. Den vesle jenta vår er no snart fire månader og vi nyter kvar dag med den lille solstrålen. :)

Ute derimot - der er det ikkje mykje sol for tida. I dag ligg tåka ned i dei snødekte fjella og regnet høljar. På slike dagar passar det godt med ei varmande suppe. Vi har miksa og triksa litt med denne oppskrifta og tilpassa den til den ammande mammaen som er litt forsiktig med enkelte grønnsaker og melkeprodukt. ;) Denne gongen vart det suppe uten sukker og løk, og så bytta vi ut fløyte mot kokosfløyte (og vips vart den paleovennlig òg). Nyt!

Lavkarbo brownies

Er det lørdag, så er det lørdag. 

Og då er det lov å kose seg litt ekstra. 

Med denne browniesen kan du i tillegg ha god samvittighet etterpå.

Eg har tatt utgangspunkt i Lena si oppskrift, 

men har endra litt etter smak og behag.

3 plater sukkerfri sjokolade 

(eg brukte to mørke og éi lys)

250 gram romtemperert smør 

50 gram Sukrin 

4 ss kakaopulver (gjerne rå) 

4 ss lyst mandelmjøl 

2 ts bakepulver 

5 egg

Ha to plater sjokolade i en bolle og ha dei i mikroen nokre sekund 

til dei blir mjuke og nesten smeltar.

Ha smør i en annen bolle og hell sjokoladen over. 

Ha over sukrin, kakaopulver og mandelmel. 

Miks det sammen med håndmikser e.l. 

Ha deretter i bakepulver og egga før du mikser litt til. 

Hakk den lyse sjokoladeplata i bitar og rør det inn. 

Neste gong skal eg hive oppi litt nøtter òg. ;) 

Dekk ei form (enten rund kakeform eller ei anna ildfast form) med bakepapir. 

Hell røra i forma og sett kaka i ovnen i 200 grader. 

Steik i 20-25 minutt eller lenger om du vil ha den heilt gjennomsteikt.

 Eg synes den er best når den er litt blaut inni. ;)

Ha en finfin lørdagskveld ♥

Kaffifavoritt

Ha eit par spiseskeier kokosmelk i en kopp. 

Hell over nytrukken kaffi og søtning etter eige ønske, 

vi brukar som regel flytande Stevia
med smakane Vanilla Creme eller English Toffee. 

Bruk deretter en liten melkeskummer (den til 8 kr på Ikea fungerer fint) 
for å få deilig skum på toppen.

Tacoform

500 gram kjøttdeig

10 cm purre

1 stor løk 

1 paprika 

Heimelaga tacokrydder

1 boks hakka tomatar

2 stk kvitløksfedd 

1 boks Créme Fraiche

200 gram Philadelphiaost

Riven ost

♥ Brun kjøttdeig og ha i løk, purre, kvitløk, paprika, 

tacokrydder og hakka tomatar. La det surre nokre minutt. 

♥ Rør sammen Créme Fraiche og Philadelphiaost 

og ha den i ei ildfast form. 

♥ Hell kjøttdeigrøra over osteblandinga og strø over riven ost.

♥ Gratinerast i ovnen på 200 grader 

i 15-20 minutt til osten er gyllen.  

Serverast med guacamole og en god salat. 

Verdens beste lavkarbo ostekake

Dette er lavkarboversjonen av verdens beste ostekake. 

Kan nesten ikkje kjenne forskjell fra originalen. ;)

Ostekaka består av tre lag. 

Nøtte- og mandelbunn, ostekrem og gelélokk på toppen. 

Nøtte-og mandelbunn

150 gram cashewnøtter og 150 gram mandler finhakkast. 

Bland i 100 gram smelta meierismør og ha det i rund kakeform. 

Steik på 200 grader til bunnen er gyllen.

Ostekrem

Bland ut 5 plater gelatin i 2 dl kokande vatn.

 Ha i 0,5 dl Fun Light og avkjøl blandinga. 

(eg har her brukt Fun Light Jordbær og Rabarbra - nydelig ♥) 

Pisk 1 pk kremfløte og 80 gram sukrinmelis til krem i en anna bolle 

og ha i en boks Seterrømme og 200 gram Philadelphiaost. 

Ha den kalde saftblandinga i ostekremen og bland godt. 

Hell kremen over den avkjølte nøttebunnen og sett i kjøleskap. 

La dette stå kaldt i 3-4 timer (helst over natta) til kremen er stivna.

Gelelokk

Lag gelé av 1,5 dl Fun Light og 3,5 dl vatn og 5 plater gelatin. 

(Eventuelt kan du kjøpe Eldorado sin sukkerfrie bringebærgele 

og lag den etter anvisningen på pakningen, men halver mengda vatn.) 

La geleblandinga bli kald, 

men hell den over ostekremen før den stivnar. 

La kaka stå kaldt eit par timar til geleen er stivna.

Nyyyyyt! ♥

Kylling med fargerik salat

Enkel og nydelig tirsdagsmiddag. 

Grilla kylling med salat av kinakål, avocado, gul paprika,

 cherrytomater, agurk, sukkererter, cashewnøtter og galiamelon. 

Las hos Lena Beatrice at Galiamelonen inneheld lite karbohydrat, 

så då måtte vi prøve den i salaten i dag. Sommerlig og godt. :) 

Mandelbrød

Dette er det beste lavkarbobrødet eg har laga per dags dato.

SUPERenkelt å lage - og så passar det til alt. 

Bruk det som focaccia, i toastjernet, til reker eller i nistepakken.

Alt du treng er;

6 egg

3 ss kremfløte

10 ss mandelmjøl (lyst eller mørkt)

2 ts bakepulver

2 ts JBKM

150 g riven ost

litt salt

Bland sammen og ha røra utover ei bakepapirkledd steikeplate.

Ha gjerne over valgfritt krydder, havsalt,

olivenolje, soltørka tomat, fetaost eller rosmarin etc.

Steikast i 15-20 minutt på 200 grader. 

Del opp i passande bitar og hiv det gjerne i frysen,

om du klarar å la vere å ete opp alt med ein gong. :) 

Sommerfrokost

Her har eg tina frosne bringebær i mikroen og

 blanda i Tyrkisk Yoghurt og litt Sukrin. 

På toppen hadde eg over litt Hasselnøttolje, 

friske blåbær (får aldri nok!) og walnøtter. 

Kjapp, sunn og veldig god søndagsfrokost. ♥

Paleodag 9: Kyllingsalat de luxe

Paleodag 8: Fin mandag

Ny Paleoveke er i gong. 

Supergod wok med svinekjøtt
forsvann fort ned i svoltne magar etter jobb. 

Dåkke får dermed nøye dåkke med bilde av 

Stavangers finaste utsikt fra 14. etasje hos oss på Clarion Hotel :)